„Allt er breytingum háð, leitin að gralinu” : nýtast matslíkön á fjölbreytt verkefni?

Menntamálastofnun er ung stofnun sem varð til við sameiningu Námsmatsstofnunar og Námsgagnastofnunar þann 1. október 2015. Á sama tíma fór af stað umfangsmikið verkefni, svokallaður Þjóðarsáttmáli um læsi. Tilgangur þess er að bæta læsi íslenskra barna í kjölfar niðurstaðna úr PISA frá 2012 sem sýndu hnignandi árangur þeirra í lesskilningi og læsi. Læsisverkefnið er umfangsmikill verkefnastofn. Það hefur verið í verkefnastjórnunarlegum böndum frá því í apríl 2016 og hefur gengið í gegnum þrjú endurskoðunartímabil á líftíma sínum. Markmið þessarar rannsóknar var að finna matslíkan, sem væri einfalt í notkun og úrvinnslu, svo hægt væri að skoða árangur í læsisverkefninu sem og árangur Menntamálastofnunar. Fyrir valinu varð EFQM þar sem Menntamálastofnun hafði þegar farið í gegnum CAF sjálfsmat í nóvember árið 2016. Fjallað verður um nokkur matslíkön sem öll eru byggð á EFQM en hafa verið útfærð á mismunandi hátt og með fjölbreyttar áherslur að ólíkum skipuheildum eða tilgangi verkefna. Vísbendingar í niðurstöðum gefa til kynna að möguleiki sé fyrir hendi að nýta EFQM í fjölbreytt verkefni og verkefnastofna sem og skipuheild út frá grunnspurningum þess. Notkun á grunnspurningum EFQM er grunnurinn að forvinnu sem gefur til kynna hvort fara eigi í yfirgripsmeiri sjálfsmatsvinnu og úttekt út frá EFQM eða CAF. Tilgangurinn með sjálfsmatinu þarf að vera skýr, hverjir eigi að hafa aðkomu að því og hvernig eigi að nýta niðurstöðurnar til aukins árangurs og með áherslu á stefnumótun skipuheildarinnar sem meta á hverju sinni